KHUSYU`

Wangenan Khusyu` nyaeta tingtrimna anggahota badan, hadir ati, mikiran bacaan anu dibaca, ngahartikeun tur ngarti kana pirang-pirang harti bacaan sholat.
khusyu` ceuk tuku (lahir) alias ceuk elmu fiqh nyaeta:
- Dina tingkah ngadeg tungtung paningali soca ningal kana sajadah
- Dina tingkah ruku` tungtung soca ningal kana pungkur dua dampal sampean.
- Dina tingkah `itidal tungtung soca ningal kana sajadah
- Dina tingkah sujud tungtung soca ningal kana watang pangambung
- Dina tingkah calik diantara dua sujud tungtung soca ningal kana pangkonan
- Dina tingkah sujud tungtung soca ningal kana watang pangambung
- Dina tingkah calik dina tahiyat awal / ahir tungtung soca ningal kana pangkonan
- Dina tahiyat awal / ahir pas hamzah illalloh kalimah (syahadatain) tungtung paningali soca ningal kana tungtung rema curuk
- Dina aweh salam kahiji pas Ro" lapad (Rohmatulloh) tungtung soca ningal kana taktak katuhu.
- Dina aweh salam kadua pas "Ro" lapad (Rohmatulloh) tungtung soca ningal kana taktak kenca.
tah kitu khusyu` numutkeun elmu fiqh mah....anapon khusyu` ceuk elmu batin bin batinul batin bin tashowwuf mah...panjang lebar babaranna...cag.