Pidato Nyerenkeun Panganten Pameget Ku KANG H.SUFYAN

اَلسَّلاَمُ عَلَيْكُمْ وَعَلَيْكُنَّ  السَّلَامُ

وَعَلَى رَسُوْلِ اللهِ وَرَحْمَةُ اللهِ تَعَالَى وَبَرَكَاتُهُ

اَلحَمْدُ لِلهِ نَحْمَدُهُ نَسْتَعِيْنُهُ وَنَسْتَغْفِرُهُ وَنَعُوْذُ بِهِ مِنْ شُرُوْرِ أَنْفُسِنَا، مَنْ يَهْدِ اللهُ فَلَا مُضِلَّ لَهُ، وَمَنْ يُضْلِلْ فَلَا هَادِيَ لَهُ، وَأَشْهَدُ أَنْ لَا إِلَهَ إِلاَّ اللهُ ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ ‏{‏يَا أَيُّهَا النَّاسُ اتَّقُوْا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا، وَبَثَّ مِنْهُمَا رِجَالًا كَثِيْرًا وَنِسَاءً، وَاتَّقُوا اللهَ الَّذِي تَسَاءَلُوْنَ بِهِ وَاْلأَرْحَامَ إِنَّ اللهَ كَانَ عَلَيْكُمْ رَقِيْبًا‏}‏ ‏[‏النساء‏:‏١‏]‏‏.‏ ‏{‏يَا أَيُّهَا الَّذِيْنَ آمَنُوا اتَّقُوا اللهَ حَقَّ تُقَاتِهِ وَلَا تَمُوْتُنَّ إِلَّا وَأَنْتُمْ مُسْلِمُوْنَ‏}‏ ‏[‏آل عمران‏:‏ ١٢٠‏]‏ ‏{‏يَا أَيُّهَا الَّذِيْنَ آمَنُوا اتَّقُوا اللهَ وَقُوْلُوا قَوْلًا سَدِيْدًا يُصْلِحْ لَكُمْ أَعْمَالَكُمْ، وَيَغْفِرْ لَكُمْ ذُنُوْبَكُمْ، وَمَنْ يُطِعِ اللهَ وَرَسُولَهُ }‏ ‏[‏الأحزاب‏:‏٧١‏]‏‏"‏‏.‏

أَرْسَلَهُ بِاْلحَقِّ بَشِيْرًا وَنَذِيْرًا بَيْنَ يَدَيِ السَّاعَةِ، مَنْ يُطِعِ اللهَ  وَرَسُوْلَهُ فَقَدْ رَشَدَ، وَمَنْ يَعْصِهِمَا فَإِنَّهُ لَا يَضُرُّ إِلَّا نَفْسَهُ وَلَا يَضُرُّ اللهَ شَيْئًا أَمَّا بَعْدُ: قَالَ رَسُوْلُ اللهِ صَلَّى اللهُ عَلَيْهِ وَسَلَّمَ : اَلنِّكَاحُ سُنَّتِي فَمَنْ رَغِبَ عَنْ سُنَّتِي فَلَيْسَ مِنِّي ، وَقَالَ صَلَّى اللهُ عَلَيْهِ وَسَلَّمَ : اَلنِّكَاحُ مِنْ سُنَّتِي ، فَمَنْ لَمْ يَعْمَلْ بِسُنَّتِي فَلَيْسَ مِنِّي (اَلْحَدِيْث

Basmallah anu munggaran

Kalawan Asma Pangeran

Nu Maha Asih tur Heman

Nu Maha Murah tara bosenan

Terutami kanu Iman

----------------------------------------------

Ari Sadaya Puja tur Puji

Kagungan Alloh tos  Pasti

Nu Janten Raja Sajati

Nu Maha Gagah Punjul tur Sakti.

-----------------------------------------------------

Teu aya deui panutan

Nu murba di ieu alam-Na

Mung Salira Gamparan

Teu aya deui nu nyasamian

--------------------------------------

Rosul nu janten utusan

Anu ta`at ka Gamparan

Nu kiat nahan ujian

Nabi Muhammad Shollalohu a`laihi wasallam. Anu beriman

----------------------------------------------

Mugi salam miwah rohmat

Dikocorkeun ulah pegat

Ka kulawargi, sahabat sareng karabat, teu kaliwat

Nya kitu deui hamba Alloh anu ta`at….

Pamugia poe jaga kenging syafa`at…..Aaaaaamiiiin.

------------------------------------------------------------------

FAYAA – AYYUHAS-SAADATUL-MUHTAROMUN...WAYAA-AYYUHASSAADATUL-U`LAMAIL-A`MILIIN, WAL-MU`ALLIMIINAL-MUKHLASIIN, WAZUMROTUL-MU-MINIINA-WALMU-MINAT- ALLADZIINA YAHDHURUUNA FI HADZAL MAKAANIL MUBAAROK.

Segenap para Kiyaihi bin Ajengan, para A`lim alias U`lama ti golongan Ash-habul Fatwa,  hukuma, sinareng kubaro anu ku pribados dipihumat.

Para Ustadz, para sesepuh, pinisepuh, para tokoh masyarakat, wabil kusus sakampung naon ieu.................sekaligus puji pribados teu diwiji-wiji ka para kiyaihi, para sesepuh pini sepuh anu sami-sami hadir didieu,anu banget-banget ku pribados dipikahurmat tur diteda doana, anu pamudah-mudahan  para kiyaihi, para guru ku Alloh salawasna dipaparin kasehatan lahir tumekaning batin, sing ditambih-tambih rezeqina, barokah yuswana dina kumawula ka Alloh Swt. Nyatana dina raraga miharep ridho Alloh Swt.

Te hilap aparatur pajabat pamarentahan, atasan, bawahan anu sami-sami ku pribados dipikahurmat, pamugi para pajabat didieu salawasna aya dina jalan ridho Alloh Swt.

Al-hamdulillah, dina danget anu mulya ieu, urang sadayana tiasa riung mumpulung, bongkok ngaroyok, hempak merbayaksa, di ieu haplah mubarokah.

     Cunduk waktu nu rahayu, ninggang mangsa nu lugina. Kiwari pameungkeut ranggeuy kadeudeuh, panyangcang simpay kanyaah, tali patri kaasih nu dianti ti bihari, nu didago ti baréto kiwari medal mangsana.

      Salajengna pribados ngahaturkeun nuhun ka sadayana, réhna pribados tos dipaparin widi, dipasihan alas pikeun ngadugikeun maksud nu dikemu ti kapungkur, ngabalakakeun maksad anu diheungheum tibaheula.

      Dina kiceup anu ieu, dina rénghap anu ayeuna. pribados keuna ku paripaos, biwis samung leméh suku samung léngkah, seja nyesepuhan tipihak pangantén pameget.

     Dongkapna pribados miwah rombongan ka ieu tempat ngandung maksad anu kawengku, nyandak maksad anu kariksa, gaduh niat anu utama seja masrahkeun 4 tutungkusan:

صلة الرحم

1.       Nyanggakeun SHILATURROHMI, (shilah=sambungan, panyambung, hubungan, anapon rohmun/ rohimun = famili/ kulawarga/ wawargian, babarayaan, shilaturrohmi nyaeta nyambungkeun tali babarayaan) Mugia katampi, pangraket mimitran antawis urang SINDANGSARI nu dipupuhuan ku pribados sinareng wargi di dieu tegesna di CILILIN, anu dipupuhuan ku Kang Besan di dieu.

Khususna ka nu gaduh maksad umumna ka balaréa kalayan laksana harepan tina ladang silaturahmi, buah nepangan baraya, sing sugih rigi jeung pangarti, jembar harta nu manfaat, panjang yuswa nu barokah.
Salajengna pribados seja nyuhunkeun dihapunten ti sadayana, bilih temah ti rombongan, khususna pribados pribadi aya laku lampah nu teu ka ukur aya basa nu teu biasa, rumaos pribados keuna ku basa biwir teu di wengku létah teu tulangan, biwir keuna ku jalir janji létah keuna ku salah basa.

صلة الوعد

2.       Nyanggakeun SHILATUL WA’DI, (shilah=sambungan, panyambung, hubungan, anapon wa`di = jangji)  Cunduk waktu nu rahayu, ninggang mangsa nu sampurna, niti wanci nu mustari, Pasini jangji pasang subaya,waktu anu di tunggu tunggu, mangsa anu di tunda-tunda dina danget ieu pisan pun anak, teu aya sanes seja nohonan janji anu parantos pasini, nyambungkeun carita nu katunda, saur paripaosna teu aya sanes seja Sacangreud pageuh sagolek pangkek.

                Bancet cai ti Karawang

                Tangkal jagong dicecebkeun

                Kasep Nyai tong hariwang

                Pasini urang paheutkeun.

صلة المال

3.       Nyanggakeun SHILATUL MALI, (shilah=sambungan, panyambung, hubungan, anapon maali = harta) pribados kalih rombongan dongkap kadieu, Ngaleut ngeungkeuy ngabandaleut, ngembat-ngembat nyatang pinang, namung teu jing-jing teu bawa da puguh ti enjing ge barang bawa, teu kupal teu keupel da aya ge kapal teu ka keupeul, teu pusar teu peser da puguh pasar mah teu ka peser, Jingjingan anu kajingjing, panggulan anu ka panggul, cacandakan anu kacandak, sasieureun sabeunyeureun mangga nyanggakeun. Sok sanaos mung alakadarna, sanes badé nyapirakeun kana maksud ngalalaworakeun kana maksad, nanging ieu mah tawis kaisin, tilam kasono ciri kadeudeuh sareng katineung, sakali deui hapunten, pribados ngaraos janten jalmi anu heureut pakeun pangsat bahan teu tiasa ngabageakeun. Manawi bahan ka tampi, da ari lebet ka istimewa mah tetebiheun, utamina mah nyanggakeun ti rombongan pribados, nu miosna saba’da subuh nanging angkatna mah qobla seubeuh.

Kantos ka kuping ku pribados, Si eneng na didieu, kantos nyarios kieu:”kang abdimah teu hoyong di candakeun naon-naon ti akang teh, eneng mah hoyong ieu we...

Kajeun jeungjing sisi rawa

Manuk bondol di astana

Kajeun teu jingjing teu bawa

Asal nu ngajendol jero calana

Jengkol ngora keur coel sambel tarasi

Hoyong nu ngajendol jero calana

Karesepna para istri

صلة اللّحم

4. Nu pamungkas nyanggakeun SHILATUL LAHMI, (shilah=sambungan, panyambung, hubungan, anapon lahmi = daging)  nyanggakeun ieu pun anak anu namina (.................) ka calon besan didieu. ti luhur sausap rambut sareng kotombena, ti handap sausap dampal sareng rorombeheunana, ti gigir sa bentik cingir sareng nu hanyir na, ti tengah sausap-usap sareng usapeunana, ti hareup sabuleud peureup mangga nyanggakeun.

Nyanggakeun daging sakeureut. Ti beh ditu keneh dipupusti ku Pun Anak geusan jadi ATM sanggakeuneun ka Si  Geulis di dieu. Taya lian ATM teh Alat Tusuk Manual, anu tangtosna oge bade diaktifkeun di dieu, lantaran bank-na aya di dieu, BCA alias Barang Colokeun Aa. Insyaalloh ATM Pun Anak teu kinten gress turta masih strong.

Nanging hapunten pun anak teh tuna harta tuna harti, sepi ku pangarti suda ku ka tiasa, naon rupi ka kirangan oge ka alfaan pun anak pamugi calon besan sarimbit didieu tiasa nampi oge nga ma'lum tina sadaya ka kirangan nana.

Cariosna mang otong ka ci kajang

sanaos leumpang kukurusukan,

cumarios montong panjang-panjang

wartosna patuangan tos kukurubukan.

Kang Besan sarimbit…!

                Kirang langkungna mah sakitu, sakali deui pribados sareng rombongan neda sihapunten, neda jembar panghampura. Atuda awahing ku bingah, lir caang bulan opat welas, jalan gede  sasapuan.  

وَالسَّلاَمُ عَلَيْكُمْ وَعَلَيْكُنَّ  السَّلَامُ

وَعَلَى رَسُوْلِ اللهِ وَرَحْمَةُ اللهِ تَعَالَى وَبَرَكَاتُهُ